GAU-ს კურსდამთავრებულები

შეფასებისა და მენეჯმენტის საკონსულტაციო კომპანია EMC

"ქართულ-ამერიკულ უნივერსიტეტში გატარებულ 4 წელს დროთა განმავლობაში სულ უფრო მეტად ვაფასებ. GAU არის უნივერსიტეტი, რომელიც მუდმივად ვითარდება და მიიწევს წინ და ამ თვისებას სტუდენტებსაც გადასცემს. მიმაჩნია, რომ GAU-ს მთავარი უპირატესობებია საუკეთესო ლექტორები, კვალიფიციური თანამშრომლები და ძლიერი მენეჯმენტი..."

პროფესორები და ლექტორები

თეა ამნიაშვილი სწავლობდა გოეთეს გერმანული ენისა და კულტურის ინსტიტუტში. 2007 წელს მიიღო გერმანიის აკადემიური გაცვლის სამსახურის - DAAD -სტიპენდია ბერლინის ჰუმბოლდტის უნივერსიტეტში. 2010-2011 წლებში კი მეორედ მიიღო სტიპენდია (Post-Doc) ბერლინის თავისუფალ უნივერსიტეტში.

გია ტარიელაძე

ქართულ-ამერიკული უნივერსიტეტის ლექტორი
მიმართულება: სამოქალაქო სამართალი

გია ტარიელაძემ 2009 წელს წარჩინებით დაასრულა თბილისის ივანე ჯავახიშვილის სახელობის სახელმწიფო უნივერსიტეტის იურიდიული ფაკულტეტის ბაკალავრიატი, შემდეგ კი მაგისტრატურა. ამჟამად ამავე უნივერსიტეტის დოქტორანტია.

გია ტარიელაძის პროფესიული გამოცდილება მოიცავს საქმიანობას როგორც საჯარო, ასევე კერძო სექტორში. 2009 წლის მარტიდან მუშაობდა საქართველოს განათლებისა და მეცნიერების სამინისტროში (იურიდიული დეპარტამენტი - უფროსი სპეციალისტი, მთავარი სპეციალისტი), შემდეგ სსიპ - განათლების აკრედიტაციის (მოგვიანებით - განათლების ხარისხის განვითარების) ეროვნულ ცენტრში (სამართლებრივი უზრუნველყოფის სამსახური - მთავარი სპეციალისტი, სამმართველოს უფროსი, სამსახურის უფროსის მოადგილე).

გია ტარიელაძე 2012 წლის მარტიდან მუშაობას აგრძელებს შპს ,,მიკროსაფინანსო ორგანიზაცია კონტინენტალ სითი კრედიტში'' იურიდიული სამსახურის უფროსად და ხელმძღვანელობს სამუშაო ჯგუფებს ივანე ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტზე. 2013 წელს ის არჩეულ იქნა ,,ნიუ-ვიჟენ'' - უნივერსიტეტის ასისტენტ-პროფესორად. 

გია ტარიელაძე არის საქართველოს ადვოკატთა ასოციაციის წევრი (სპეციალიზაცია - სამოქალაქო სამართალი).

ფლობს ინგლისურ ენას.