• კვლევითი ცენტრი სისხლის სამართალი და კრიმინოლოგია

GAU-ს კურსდამთავრებულები

კომპანია სს ,,შატო მუხრანი''

"საქართველოს წითელი ჯვრის საზოგადოებაში იურისტად მუშაობისას მონაწილეობა მივიღე ევროსაბჭოს მიერ გამოცხადებულ სტაჟიორთა კონკურსში, სადაც მთელი მსოფლიოდან მონაწილე 2500 კონკურსანტს შორის გამარჯვებულ 60 სტაჟიორს შორის ვიყავი მეც. მე ვთვლი რომ სწორი არჩევანი გავაკეთე და მიხარია რომ GAU-ს ვეკუთვნი, მისი ნაწილი ვარ და ყოველთვის ვიამაყებ ამით..."

პროფესორები და ლექტორები

რუსუდან ციციშვილი არის ქართულ-ამერიკული უნივერსიტეტის დამფუძნებელი, ენების კათედრის გამგე, ლიბერალური განათლებისა და ჰუმანიტარულ მეცნიერებათა სკოლის დეკანი, ბაკალავრიატის ინგლისური ფილოლოგიის პროგრამის ხელმძღვანელი, GAU წიგნების აღმასრულებელი დირექტორი, სრული პროფესორი...

სისხლის სამართლისა და კრიმინოლოგიის სამეცნიერო-კვლევითი ცენტრი

გაუ-ს სამართლის, სოციალური მეცნიერებების და დიპლომატიის სკოლის სისხლის სამართლისა და კრიმინოლოგიის სამეცნიერო კვლევითი ცენტრი (ინსტიტუტი) გაუ-ს სტრუქტურულ ერთეულს წარმოადგენს. ცენტრის მიზანია წინასწარ შემუშავებული პროგრამის მიხედვით სისხლის სამართლის, საპროცესო სისხლის სამართლის, კრიმინოლოგიისა და კრიმინალისტიკის მეცნიერების განვითარების მიზნით სამეცნიერო-კვლევითი საქმიანობის განხორციელება, კერძოდ, საქართველოს პრეზიდენტის #591 ბრძანებულების შესაბამისად, სისხლის სამართლის კანონმდებლობის რეფორმის სტრატეგიით გათვალისწინებული კანონმდებლობის რეფორმის სტრატეგიის შესაბამისი სამეცნიერო და კვლევითი ბაზის მომზადება.

სამეცნიერო კვლევების ჩატარება ხდება შემეცნების საერთო მეცნიერული (დიალექტიკური) კვლევის მეთოდით, ფორმალური ლოგიკის (ანალიზი და სინთეზი, ინდუქცია და დედუქცია, ანალოგია და შედარება) საერთო ხერხებით, გამოკვლევისსაერთო მეცნიერული მეთოდებით (სისტემური მიდგომა, ისტორიული წყაროების ანალიზი), აგრეთვე სამართლის ნორმის განმარტებით ფორმალურ-სამართლებრივი და შედარებით-სამართლებრივი მეთოდების გამოყენებით (ემპირიულ და თეორიულ დონეზე) და სხვა კვლევის მეთოდების გამოყენებით. დროთა განმავლობაში მომხდარი ცვლილებების და მათი გამომწვევი მიზეზების დადგენის მიზნით, ერთსა და იმავე კვლევის თემაზე სამეცნიერო კვლევის გამეორება დროის გონივრული ინტერვალით.
 
ცენტრის მიერ მოპოვებული სამეცნიერო მასალა აქტიურად გამოიყენება უნივერსიტეტის სასწავლო პროცესში, კერძოდ:
 
  • ცენტრში დაცული მასალების საფუძველზე მზადდება სამართლის სკოლის სტუდენტთა სამაგისტრო, საკურსო ნაშრომები და რეფერატები, დისერტაციები.
  • ცენტრის ბაზებზე, ცენტრის მეცნიერ-თანამშრომელთა ხელმძღვანელობით, პრაქტიკას გადიან სამართლისა და სოციალურ მეცნიერებათა სკოლის სტუდენტები. მათი მუშაობის შედეგები განიხილება საუნივერსიტეტო კონფერენციებზე. მათ მიერ მოძიებული მასალა ინახება ცენტრის არქივში.
  • ცენტრი პერიოდულად ატარებს საერთაშორისო კონფერენციებს, სადაც მოწვეულ მეცნიერებთან ერთად ინსტიტუტის თანამშრომლები წარმოადგენენ საკუთარ კვლევებს.

გაეცანით სისხლის სამართლისა და კრიმინოლოგიის სამეცნიერო კვლევითი ცენტრის დებულებას და სამეცნიერო კვლევითი პროექტების აღწერას.