რატომ უნდა ჩავაბარო GAU-ში?

GAU გამოირჩევა როგორც უმაღლესი აკადემიური სტანდარტების შესაბამისი კადრების მომზადებით, ისე ინდივიდუალური მიდგომით სტუდენტებთან, ჩვენ მუდამ ვცდილობთ გავითვალისწინოთ სტუდენტის ინტერესები და შევუქმნათ მას სწავლისათვის მაქსიმალურად კომფორტული გარემო.

ჩვენი კურსდამთავრებულები დასაქმებულები არიან კერძო, საჯარო და საერთაშორისო სტრუქტურებში და კონკურენტუნარიანები არიან როგორც ადგილობრივ, ისე საერთაშორისო დონეზე, საზღვარგარეთ სწავლის გაგრძელების მსურველები კი GAU-ში მიღებული ცოდნის ბაზაზე იოლად ახერხებენ ჩაბარებას მსოფლიოში აღიარებულ უნივერსიტეტებში. 

დასაქმების სტატისტიკა

• GAU-ს ერთ-ერთი მთავარი უპირატესობა დასაქმებულ კურსდამთავრებულთა მაღალი მაჩვენებელია, ამ სტატისტიკას ჩვენი სტუდენტების განსაკუთრებული პროფესიული უნარები განაპირობებს, რაც მათ დასაქმების ბაზარზე კონკურენტული უპირატესობით გამოარჩევს. გაეცანი GAU-ს კურსდამთავრებულთა წარმატების ისტორიებს.
• GAU-ში აქტიურად მუშაობს დასაქმების ცენტრი, რომელიც ხელს უწყობს სტუდენტებსა და კურსდამთავრებულებს სასურველი სამუშაო ადგილების პოვნაში, პარტნიორ ორგანიზაციებს კი მაღალკვალიფიციური კადრებით უზრუნველყოფს. იხილე ჩვენი სტუდენტების CV.

პროფესიული ინგლისური ენა და სხვა კომპეტენციები

• ჩვენთან საფუძვლიანი განათლებისა და პროფესიული ინგლისური ენის აქტიური ცოდნის მიღება ერთდროულად ხდება, რაც დასაქმების ბაზარზე და უცხოეთში სწავლის გაგრძელების შემთხვევაში GAU-ს სტუდენტებსა და კურსდამთავრებულებს ერთ-ერთ მთავარ უპირატესობას ანიჭებს. გაიგე დაწვრილებით თუ რა უნარებით იქნები გამორჩეული გაუ-ს დამთავრების შემთხვევაში.
• GAU-ში სწავლის დაწყებამდე ინგლისური ენის ცოდნის დონე საკმარისია აკმაყოფილებდეს ეროვნული გამოცდების კომპეტენციის მინიმალურ ზღვარს. პროფესიული ინგლისური ენა (სპეციფიკური პროფესიული ლექსიკა, ფრაზეოლოგია და ა.შ.) GAU-ს თითოეულ სკოლაში სპეციალობის დაუფლების პროცესში ისწავლება.

უფასო მაგისტრატურა და დოქტორანტურა ამერიკის წამყვან უნივერსიტეტებში

• ამერიკის წამყვან უნივერსიტეტებთან თანამშრომლობის პროგრამის ფარგლებში GAU ბიზნესის სკოლისა და ინფორმატიკისა და ინჟინერიის სკოლის წარჩინებულ ბაკალავრებს სთავაზობს უნიკალურ შესაძლებლობას გაიარონ სამაგისტრო და სადოქტორო პროგრამები აშშ-ს შემდეგ წამყვან უნივერსიტეტებში: ჰარვარდის, პრინსტონის, პენსილვანიის, იელის, კოლუმბიის, ბრაუნის, კორნელის და ა.შ. გაეცანი დეტალებს ამერიკის წამყვან უნივერსიტეტებთან თანამშრომლობის პროგრამაზე.

სტიპენდიები და შეღავათები

• GAU-ს სტიპენტიებისა და შეღავათების პაკეტის მიხედვით თითოეულ სკოლაში (ფაკულტეტზე) რეიტინგით პირველი სტუდენტი სრულად თავისუფლდება სწავლის გადასახადისგან, ხოლო მომდევნო ოთხი სტუდენტის სწავლის გადასახადზე ვრცელდება შეღავათები სხვადასხვა პროცენტულობით.
• სწავლის გადასახადზე 20 %-იანი შეღავათი ვრცელდება ერთი ოჯახის უშუალო წევრებზე.
• GAU-ში ჩარიცხული სტუდენტი, რომელიც ერთიან ეროვნულ გამოცდებში მიიღებს ყველაზე მაღალ ქულას, გათავისუფლდება სწავლის გადასახადისაგან უნივერსიტეტის თითოეულ სკოლაში. სრული ინფორმაცია იხილეთ შიდა სტიპენდიების გვერდზე.

იაფი სტუდენტური სესხები

• ყველა სტუდენტს შეეძლება ისარგებლოს ბანკის სპეციალური შეთავაზებით  იაფი სტუდენტური სესხების ასაღებად, მათ შორის საშეღავათო პერიოდით 4 წლის მანძილზე, რაც გულისხმობს გადახდის გადავადებას სწავლის დამთავრებისა და მუშაობის დაწყებამდე. დეტალები იხილეთ იაფი სტუდენტური სესხების გვერდზე.

ახალი შენობა და თანამედროვე სასწავლო გარემო

• ჩვენი ახალი შენობა სრულად აკმაყოფილებს თანამედროვე საუნივერსიტეტო სტანდარტებს, ფართო აუდიტორიები, ბიბლიოთეკა, კაფე, სპორტული დარბაზი, დიდი ეზო (სადაც იგეგმება სპორტული სტადიონის ორგანიზება) სტუდენტებს კომფორტულ და სასიამოვნო სასწავლო გარემოს უქმნის. შენობა უზრუნველყოფილია უსადენო ინტერნეტითა და მანქანების სადგომით. დაათვალიერეთ GAU-ს შენობის ფოტოგალერეა ან გვეწვიეთ GAU-ში მისამართზე მერაბ ალექსიძის 8.
• 17:00 საათიდან 22:00-მდე გაუ-ს ემსახურება უფასო მიკროავტობუსი, რომელიც უნივერსიტეტიდან გადის ყოველ ნახევარ საათში ერთხელ წრიული მარშრუტით (გაუ-გმირთა მოედანი-კოსტავას ქუჩა-სპორტის სასახლე-GAU).