გაუ-ს ბიზნესის სკოლის დოქტორანტის სადისერტაციო ნაშრომის საჯარო დაცვა

2 ოქტომბერს გაუ-ში ჩატარდა ბიზნესის სკოლის დოქტორანტის - თამაზ უზუნაშვილის სადისერტაციო ნაშრომის - „პროექტების რეალური ოფციონების ფასდადება რობასტული საშუალო კვადრატული ჰეჯირებით" - საჯარო დაცვა.

დისერტაციაში განხილულია პროექტების შეფასების რეალური ოფციონების მეთოდი და რობასტული მაჰერიჯერებელი სტრატეგია საშუალო კვადრატული აზრით, რომლებიც უზრუნველყოფენ საინვესტიციო პროექტების შეფასებას ბიზნესის ფასების ვოლატილობის პირობებში.

ნაშრომში გამოყენებულია პროექტების NPV (net present value) ანალიზი, რეალური ოფციონების პროექტების ანალიზის თეორია, თამაშთა თეორია, ოფციონების დათვლის დახურული და ბინომიალური მეთოდები. მონტე კარლოს მეთოდები, რობასტული საშუალო კვადრატული ჰეჯირება, minimax-ის ტიპის ამოცანის ოპტიმიზაცია.

ნაშრომის სამეცნიერო ხელმძღვანელია ფიზიკა-მათემატიკის მეცნიერებათა დოქტორი, ქართულ-ამერიკული უნივერსიტეტის სრული პროფესორი - რევაზ თევზაძე, ოფიციალური ოპონენტები: ეკონომიკის დოქტორი, ქართულ-ამერიკული უნივერსიტეტის ასოცილრებული პროფესორი - არჩილ იაკობაშვილი და ბიზნესის ადმინისტრირების დოქტორი, კავკასიის უნივერსიტეტის ასოცირებული პროფესორი - ბორის ლეჟავა.