GAU-ს კურსდამთავრებულები

საქართველოს ეროვნული ბანკი

"მეორე კურსის დასასრულს გავიარე ტესტირება და გასაუბრება საქართველოს ეროვნულ ბანკში, სადაც იმავე ჯგუფის 5 სტუდენტი ფინანსური ბაზრების დეპარტამენტში 3 თვიანი კონტრაქტით დაგვასაქმეს. მას შემდეგ, რაც სტაჟირების ვადა ამოიწურა, ეროვნული ბანკის წარმომადგენლებმა გადაწყვიტეს ჩვენთან გრძელვადიანი თანამშრომლობის ხელშეკრულება გაეფორმებინათ..."

პროფესორები და ლექტორები

დინა არის იაგელონიის უნივერსიტეტის დედოფალი იადვიგას სახელობის სტიპენდიის ორგზის ლაურიატი (კრაკოვი), აქვს მოპოვებული მეცნიერებათა კანდიდატის (PhD) ხარისხი სოციალურ ფილოსოფიაში და არის 50-ზე მეტი პუბლიკაციის ავტორი, რომელიც გამოქვეყნებულია სხვადასხვა საერთაშორისო კრებულში...

გიორგი ჩინჩალაძე

2015 წლის გამოშვება
საქართველოს ეროვნული ბანკი
უფროსი რისკ მენეჯერი, ფინანსური ბაზრების დეპარტამენტი

2015 წელს დავამთავრე ქართულ-ამერიკული უნივერსიტეტი (GAU) რაოდენობრივი ფინანსების განხრით (Quant).

მე-4 კურსზე ყოფნის დროს, საქართველოში პირველად ჩატარდა ჰარვარდის უნივერსიტეტის მიერ შედგენილი ბიზნეს ქეისების (ბიზნეს ამოცანების) ამოხსნის კონკურსი ''Harvard business case competition” სადაც GAU-ს სახელით მოასპარეზე გუნდის წევრი ვიყავი. კონკურსში მონაწილე 5 უნივერსიტეტის გუნდებს შორის, GAU-ს ჯგუფის წევრებმა გამარჯვება მოვიპოვეთ. გამარჯვება ბიზნეს ამოცანის ამოხსნისთვის გამოყენებულმა ანალიზმა და მეთოდებმა განაპირობა, რაც სხვა მონაწილე გუნდების ამოხსნისგან განსხვავებული იყო.

მე-3 კურსზე, ჩამოვაყალიბეთ GAU-ს პროგრამისტთა სამკაციანი გუნდი, რომელმაც 2013 წელს წარმატებით იასპარეზა მსოფლიო ჩემპიონატზე.

მე-3 კურსიდან დავიწყე სტაჟირება საქართველოს ეროვნულ ბანკში, სადაც სტაჟირების გავლის შემდეგ დავინიშნე რისკ მენეჯერის პოზიციაზე.

ვფიქრობ, რომ GAU-ს Quant პროგრამამ მომცა საშუალება შემეძინა ის მნიშვნელოვანი უნარები, რომლებიც აუცილებელია კონკურენტულ გარემოში სასურველი მიზნის მისაღწევად.

ამჟამად ვსწავლობ GAU-ს ბიზნეს სკოლის მაგისტრატურის Quant პროგრამაზე.