GAU-ს სამართლის, სოციალურ მეცნიერებათა და დიპლომატიის სკოლის იმიტირებული სასამართლო პროცესი

9-14 ნოემბერს, ქართულ-ამერიკულ უნივერსიტეტში Model International Criminal Court (MICC) კურსები ჩატარდა, რომელიც პირველად საქართველოში ესტონური ორგანიზაცია Unitas Foundation-ის ეგიდით ხორციელდება.

პროექტის მიზანია ხელი შეუწყოს საერთაშორისო კრიმინალური სამართლის პოპულარიზაციას მსოფლიოში და მათ შორის საქართველოშიც, ასევე ხელი შეუწყოს საზოგადოებრივი ცნობიერების ამაღლებას საერთაშორისო დანაშაულებებისა და ასეთი დანაშაულებების წინააღმდეგ ბრძოლის მეთოდების შესახებ.

პროექტის ფარგლებში ტრენინგი ჩაუტარდა 60-მდე მონაწილეს და ასევე მომზადდა 10 ტრენერი, რომლებსაც მომავალში შესაძლებლობა ექნებათ ანალოგიური კურსები ჩაატარონ საქართველოს სხვადასხვა უნივერსტეტებში.

კურსებს უძღვებოდნენ, Unitas Foundation-ის ტრენერები ვიქტორ ნიკონოვი, უვე პუმი და ანდრია ნადირაძე.