GAU-ს კურსდამთავრებულები

შპს საოჯახო მედიცინის ქართულ-ამერიკულ კლინიკა Medical House

2011 წელს დავამთავრე ქართულ-ამერიკული უნივერსიტეტის სამართლის, სოციალური მეცნიერებების და დიპლომატიის სკოლის ბაკალავრიატი, ამავე წელს ჩავაბარე მაგისტრატურაზე სამოქალაქო სამართლის განხრით და 2013 წელს მომენიჭა მაგისტრის ხარისხი. უნივერსიტეტში გატარებული წლები იყო ძალიან...

პროფესორები და ლექტორები

მაია დიასამიძე პედაგოგიურ მუშაობას ეწევა 2001 წლიდან. ასწავლიდა ინგლისურ ენას დიპლომატიურ აკადემიაში (2001-2010წ.) შავი ზღვის უნივერსიტეტში (2007წ.) ენების დიპლომატიისა და სამართლის სკოლაში (2001-2010წ). 2005 წელს გაიარა ტრენინგი ,,თანამედროვე პედაგოგიური ტექნოლოგიები“...

გამოსაშვები ღონისძიება 2018 - ნაწილი I

14 ივლისს (2018) ბიზნესის, ინფორმატიკისა და ინჟინერიის სფეროს ასობით ახალგაზრდა შეუერთდა - ისინი მიღებული ცოდნისა და გამოცდილების საერთაშორისო სტანდარტს საკუთარ პროფესიაში ახლა ყველაზე აქტიურად დაამკვიდრებენ. სასტუმრო ბილტმორში ქართულ-ამერიკული უნივერსიტეტის გამოსაშვები ღონისძიება შედგა.

GAU ბიზნესის, ინფორმატიკისა და ინჟინერიის სკოლის ბაკალავრებმა და მაგისტრებმა დაამთავრეს. კურსდამთავრებულებს სიტყვით GAU-ს პრეზიდენტმა მიმართა. რ. მაიკლ ქაუგილმა დაღუპული სტუდენტი, გიორგი მეცხოვრიშვილი გაიხსენა, რომელსაც დარბაზში შეკრებილმა საზოგადოებამ წუთიერი დუმილით მიაგო პატივი. პრეზიდენტმა კურსდამთავრებულებს „ბოლო გაკვეთილი“ ჩაუტარა და მნიშვნელოვანი რჩევები მისცა, რის შემდეგაც სცენაზე აჭარა ჯგუფის აღმასრულებელი დირექტორი ვალერი ჩეხერია მოიხმო. ბატონმა ვალერიმ GAU-ს კურსდამთავრებულებს უნივერსიტეტის დამთავრება მიულოცა და საკუთარი მაგალითების გაზიარებასთან ერთად წარმატება უსურვა. კიდევ ერთი საპატიო სტუმარი გახლდათ სპორტული კომენტატორი ჯამლეტ ხუხაშვილი, რომელმაც კურსდამთავრებულებს მიულოცა ეს დაუვიწყარი დღე. აუდიტორიას სიტყვით ბიზნესის სკოლის დეკანმა, თემურ ტორონჯაძემ და ინფორმატიკისა და ინჟინერიის სკოლის დეკანმა, კონსტანტინე კულიჯანოვმა მიმართეს.

თბილი და ემოციური გამოსვლების შემდეგ შედგა რეიტინგით საუკეთესო სტუდენტების დაჯილდოვება. წიგნის მაღაზიათა ქსელი Biblusi • ბიბლუსი, რომელიც ღონისძიების სპონსორი იყო, წარჩინებულ სტუდენტებს წიგნები და სიმბოლური საჩუქრები გადასცა. ასევე კურსდამთავრებულებს გადაეცათ GAU-ს ბრენდირებული საჩუქრები.

დიპლომების გადაცემის ცერემონიის შემდეგ შედგა ტრადიციული საპატიო კორიდორი, რომელშიც ყველა კურსდამთავრებულმა გაიარა და უნივერსიტეტის დამთავრება ეზოში ქუდების აყრით, ჰელიუმის ბუშტების გაშვებით აღნიშნა. ბოლოს გაიჭრა საზეიმო ტორტი და ღონისძიება არაფორმალურ გარემოში გაგრძელდა.

გამოსაშვები ღონისძიება 2018 - ნაწილი I გამოსაშვები ღონისძიება 2018 - ნაწილი I
გამოსაშვები ღონისძიება 2018 - ნაწილი I გამოსაშვები ღონისძიება 2018 - ნაწილი I
გამოსაშვები ღონისძიება 2018 - ნაწილი I გამოსაშვები ღონისძიება 2018 - ნაწილი I
გამოსაშვები ღონისძიება 2018 - ნაწილი I გამოსაშვები ღონისძიება 2018 - ნაწილი I