GAU დასავლეთ საქართველოში

მოსწავლეების ნაწილი უკვე ჩამოყალიბებულია საკუთარ არჩევანში, ნაწილს კი ახლა უწევს ცხოვრებაში ერთ-ერთი უმნიშვნელოვანესი გადაწყვეტილების მიღება. აბიტურიენტები GAU-ს პროგრამებით ახალი საფასო პოლიტიკითა და სტუდენტური ცხოვრებით დაინტერესდნენ, რაზეც ამომწურავი პასუხები უნივერსიტეტის ადმინისტრაციის წარმომადგენლებისა და GAU-ს ელჩებისგან (სტუდენტებისგან) მიიღეს. GAU-ს ელჩებმა თანატოლებს საუნივერსიტეტო ცხოვრების დეტალები უამბეს და საკუთარი გამოცდილება გულწრფელად გაუზიარეს.

ეს მოგზაურობა GAU-ელებისთვის ახალი, სასიამოვნო გამოცდილება, აბიტურიენტებისთვის კი უამრავი სასარგებლო ინფორმაცია და მათივე თქმით, ძალიან პოზიტიური ნაცნობობა იყო.

შეხვედრების ბოლოს გათამაშდა GAU-ს სასწავლო ვაუჩერები, რომლებიც ათამდე იღბლიან აბიტურიენტს ერგო.

განათლების თანამედროვე გამოწვევებსა და პროფესიული ორინეტაციის განვითარებაზე შეხვედრები GAU-ს ინიციატივითა და საქართველოს სამინისტროს, მასწავლებელთა პროფესიული განვითარების ეროვნული ცენტრის მხარდაჭერით ხორციელდება. რეგიონული შეხვედრების ორგანიზებაში საქართველოს იურისტთა ასოციაცია ჩაერთო, რომელიც ხუთი წელია GAU-ს პარტნიორი ორგანიზაციაა და სამართლის, სოციალური მეცნიერებების და დიპლომატიის სკოლასთან ერთობლივ პროექტებს ახორციელებს.