BMB-ის სოციალური პროექტი სკოლის მოსწავლეებისთვის

ტრადიციად ქცეული შეხვედრა სკოლის მოსწავლეებთან პროფესიული ორიენტაციის თემაზე უკვე მეორე წელია GAU-ს სასერტიფიკატო პროგრამის BMB-ის (ბიზნესის ადმინისტრირების) ორგანიზატორები და სტუდენტები საქართველოს სხვადასხვა სკოლაში ღია ლექცია-სემინარებს ატარებენ.

11 დეკემბერს ქართულ-ამერიკული უნივერსიტეტის წარმომადგენლები გორის N9 საჯარო სკოლის უფროსკლასელებს შეხვდნენ. მომხსენებლებმა პროფესიული არჩევანის მნიშვნელობაზე საკუთარი გამოცდილების გაზიარებით, წარმატებისა თუ შეცდომების მაგალითებზე ისაუბრეს. ინტერაქციულ შეხვედრაში 50-მდე მოსწავლე მონაწილეობდა. მათ მომხსენებლებს კითხვები დაუსვეს და ბოლოს GAU-სგან საჩუქრად თანამედროვე ქართველი ავტორების წიგნები მიიღეს.

ანალოგიური შეხვედრები წლის განმავლობაში საგარეჯოსა და კასპის რაიონის საჯარო სკოლებში გაიმართა. GAU-სა და BMB-ის სოციალური პასუხისმგებლობის პროექტის მიზანი მოზარდებში პროფესიული ორიენტაციის განვითარებაა, რაც მათ სწორი პროფესიული არჩევანის გაკეთებაში უწყობს ხელს.