კაფეში ,,დისქავერი'' ჩატარდა გამოფენა "მსოფლიო ახალგაზრდების თვალით''

პარასკევს, 25 აპრილს, 19:00 საათზე, კაფეში ,,დისქავერი'' ჩატარდა გამოფენა ,,მსოფლიო ახალგაზრდების თვალით.''

გამოფენაზე წარმოდგენილი იყო ქართულ-ამერიკული უნივერსიტეტის (გაუ) საბუნებისმეტყველო მეცნიერებათა და ინჟინერიის სკოლის სტუდენტების მიერ სოციალური პრობლემატიკის თემაზე შექმნილი პოსტერები. ნამუშევრების ავტორები ზემოაღნიშნული ფაკულტეტის ინფორმატიკის მიმართულების, კერძოდ კი მულტიმედიური დიზაინის სპეციალობის მე-2 კურსის სტუდენტები არიან, პოსტერები მათ საკურსო ნაშრომის ფარგლებში შექმნეს და ლექტორის - ქეთი ბიბილაშვილის ხელმძღვანელობით თავიანთი ხედვა სარეკლამო დიზაინის კურსზე შეძენილი ცოდნის საშუალებით გააცოცხლეს.

გამოფენას დაესწრნენ გაუ-ს პრეზიდენტი - რ. მაიკლ ქაუგილი, ვიცე-პრეზიდენტი და საბუნებისმეტყველო მეცნიერებათა და ინჟინერიის სკოლის დეკანი, პროფესორი მიხეილ ჩხენკელი, გაუ-ს ლექტორები და სტუდენტები.