GAU-ს კურსდამთავრებულები

თავდაცვის სამინისტროს სამშენებლო დეპარტამენტი

"გაუ-ს ჩამოყალიბებისთანავე შეიქმნა მეგობრული ატმოსფერო სტუდენტებსა და ადმინისტრაციას შორის, ყველაფერი კეთდებოდა იმისათვის, რომ გაუ გამხდარიყო ერთ-ერთი ძლიერი და წამყვანი უნივერსტეტი საქართველოში, რომელიც შესთავაზებდა აბიტურიენტებს თანამედროვე ბიზნეს განათლებას..."

პროფესორები და ლექტორები

ნინო უგულავა

2006-2008 წლებში ნინო სწავლობდა ქართულ-ამერიკულ უნივერსიტეტში და 2009 წელს მიიღო ბიზნესის ადმინისტრირების მაგისტრის საერთაშორისო წოდება. 2008 წლიდან ნინო უგულავა არის საკონსალტინგო კომპანია "ალტერჯგუფის" გენერალური დირექტორი, 2005 წლიდან საქართველო-შვეიცარიის ბიზნეს ასოციაციის, ხოლო 2011 წლიდან ქალთა საერთაშორისო ბიზნეს ასოციაციის დამფუძნებელი და გამგეობის წევრი...

ქართველი გმირები - კალენარი 2018

„როცა ფორმა გაცვია და სამშობლოს იცავ, მის გულისცემას უფრო ნათლად შეიგრძნობ.“ - ამბობს ომიდან დაბრუნებული ნანა ცხადაძე.

23 ოქტომბერს (2017), თანამედროვე ხელოვნების მუზეუმში საქართველოს ტერიტორიული მთლიანობისათვის მებრძოლ და საერთაშორისო მისიებში მონაწილე ჯარისკაცებისადმი მიძღვნილი ღონისძიება და კალენდარი 2018-ის პრეზენტაცია გაიმართა.

პროექტზე მუშაობისას ქართველ გმირებს ახალი თაობის წარმომადგენლები, GAU-ს მოხალისე სტუდენტები შეხვდნენ:

“ახალგაზრდებს ვურჩევ ბევრი ისწავლონ, რადგან სწავლაში დაღვრილი ოფლი ბრძოლაში აბჯარია.“

„ჩემზე რომ იყოს დამოკიდებული, ვეცდებოდი ბავშვები არავინ გამოიყენოს ცოცხალ ფარად, უდანაშაულო ადამიანები არასდროს შეეწირონ შეიარაღებულ კონფლიქტებს.“

„სამხედრო სამსახურში დაბრუნება რომ შემომთავაზეს და მითხრეს, ტრავმები ხელს არ შემიშლიდა, ამან გამაძლიერა.“- ეს და სხვა მნიშვნელოვანი ფრაზები ახალგაზრდებმა ომიდან დაბრუნებული, დღეს უკვე შეზღუდული შესაძლებლობის მქონე ჯარისკაცებისგან მოისმინეს. სტუდენტების თქმით, ემოციური ინტერვიუები მნიშვნელოვანი ღირებულებების გააზრებაში დაეხმარათ და სამუდამოდ დაამახსოვრდათ.

პროექტი, რომელიც „გამარჯვება პარტნიორობის ალიანსისა“ და ქართულ-ამერიკული უნივერსიტეტის თანამშრომლობით შედგა, ორ მნიშვნელოვან თარიღს ეხმიანება - საქართველოს სახელმწიფოებრივი დამოუკიდებლობის აღდგენის 100 წლის იუბილესა და რუსეთ-საქართველოს 2008 წლის ომის 10 წლისთავს.

კიდევ ერთხელ დიდი მადლობა ყველას, ვინც პროექტზე მუშაობდა:

სიმონ კოპაძე, შონ მალკეჰი, ეკატერინე ტოგონიძე.

GAU-ს სტუდენტები:

ანანო ციცვიძე, ქეთი ვაშალომიძე, მარიამ ეზუგბაია, ნინა რუაძე, ანი ჩიხლაძე, ეთო ბოსტოღანაშვილი, ნათია ტყემალაძე, ქეთი გურული, მარიამ პაპასკირი, ანუკი ბურჯანაძე, სოფო გვარამია, ნინო დემეტრაშვილი, თათია კირჩხელი.

ფოტო:

დიმა ჩიკვაიძე და ირაკლი ბლუიშვილი

დიზაინი:

მარინა ბალავაძე.

კალენდრის მთავარი გმირები:

ალუდა სეთურიძე, მაიორი გიორგი არაბული, დავით ახრახაძე, ვახტანგ დოლიძე, ვახტანგ ჯოჯიკია, ლაშა სუბლაშვილი, მამუკა ჯავახიშვილი, მორის საბაშვილი, მიხეილ ქუთათელაძე, ნანა ცხადაძე, ოლეგ სკაჩკოვი, რევაზ გიორბელიძე.