ახალი 2013-14 სასწავლო წელი გაუ-ში

16 სექტემბერს გაუ-ში სწავლა დაიწყო. მეორე, მესამე და მეოთხეკურსელებთან ერთად დღეს გაუ-ში პირველკურსელებიც გამოჩნდნენ, განსაკუთრებით მნიშვნელოვანი ეს დღე სწორედ მათთვის იყო.

ბიზნესის სკოლის, სამართლისა და სოციალურ მეცნიერებათა სკოლის, საბუნებისმეტყველო მეცნიერებათა და ინჟინერიის სკოლის, ლიბერალური განათლებისა და ჰუმანიტარული მეცნიერების სკოლის ახალ სტუდენტებს სწავლის დაწყებამდე უკვე შეხვდა გაუ-ს პრეზიდენტი, რ. მაიკლ ქაუგილი, მიულოცა პირველკურსელებს სტუდენტობა და ესაუბრა იმ შესაძლებლობებზე, რასაც გაუ თავის სტუდენტებს სთავაზობს. 2013-14 სასწავლო წელს გაუ-ში სწავლა 300-მდე პირველკურსელმა დაიწყო.

გაუ-ს ადმინისტრაცია თავის სტუდენტებს წარმატებულ, მრავალფეროვან და ხალისიან სასწავლო წელს უსურვებს.