GAU-ს ელჩები

GAU სკოლებთან კომუნიკაციის ფარგლებში ქმნის GAU-ს ეჩლების გუნდს, რომელიც სემესტრის განმავლობაში განსაზღვრული პერიოდულობით ეწვევა საქართველოს სკოლებს და შეხვდება დამამთავრებელი კლასის მოსწავლეებს.

პროექტის მიზანია აბიტურიენტების მხარდაჭერა პროფესიული ორიენტაციისა და უმაღლესი სასწავლებლის არჩევის პროცესში. GAU-ს ელჩები მოსწავლეებს გაუზიარებენ საკუთარ გამოცდილებას, გააცნობენ GAU-ს პროგრამებს და უპასუხებენ მათთვის საინტერესო კითხვებს.

ამ პროექტის განსახორციელებლად GAU აცხადებს შესარჩევ ტურს, რომელშიც მონაწილეობა შეუძლიათ GAU-ს ბაკალავრიატის სტუდენტებს.

შერჩევისას ყურადღება მიექცევა შემდეგ თვისებებს:

• კომუნიკალბელური/პრეზენტაბელური
• მოტივირებული
• აქტიური

GAU-ს ეჩლების გუნდში მოსახვედრად, შეავსეთ აპლიკაცია 20 იანვრამდე შემდეგ ბმულზე: https://goo.gl/j8fPWu

აპლიკანტებს ჩაუტარდებათ გასაუბრება 21-დან 25 იანვრამდე.

27 იანვარს კი კანდიდატები წარმოადგენენ მოკლე პრეზენტაციას თავიანთი ფაკულტეტების შესახებ. პრეზენტაცია გათვლილი უნდა იყოს სკოლის მოსწავლეებისთვის.

შედეგად შეირჩევა GAU-ს 6 ელჩი, რომლებსაც ჩაუტარდებათ პრეზენტაციის მოსამზადებელი ტრენინგი.

პროექტის ფარგლებში სამუშაოს აღწერილობა:

• GAU-ს სკოლებისა და პროგრამების შესახებ ინფორმაციის დამუშავება, პრიორიტეტებისა და ძლიერი მხარეების გამოყოფა
• პრეზენტაციის აწყობა
• (GAU-ს ორგანიზებით) სკოლებში პრეზენტაციის გამართვა
• სკოლებთან პერმანენტული კომუნიკაცია

პროექტში ჩართულობის ინტენსივობა განისაზღვრება თვეში საშუალოდ 4 შეხვედრით. გრაფიკი მორგებული იქნება სასწავლო პროცესს.

GAU-ს ელჩებს გაწეული სამსახურისთვის გადაეცემათ:

• GAU-ს სასერტიფიკატო კურსებიდან მათთვის სასურველი პროგრამის ვაუჩერი
• სპეციალური რეკომენდაცია მიღებული კვალიფიკაციის გათვალისწინებით
• 500 ლარიანი პერსონალური ანგარიში, რომლით სარგებლობაც შესაძლებელია ორი მიმართულებით:

1. შემეცნებით-კულტურული (ცნობილი ტრენერების მასტერკლასებზე დასწრების დაფინანსება, შემეცნებით-კულტურული ღონისძიებების ბილეთის შეძენა და ა.შ.)
2. ანგარიშის გამოყენება სწავლის საფასურის ნაწილობრივ დასაფარად

დამატებითი ინფორმაციისთვის დაგვიკავშირდით: 574 30 40 00