GAU-ს კურსდამთავრებულები

Delta Systems

GAU-ში მიღებულმა განათლებამ საშუალება მომცა დამოუკიდებლად ამერჩია გზა წარმატებული კარიერისაკენ, რაც გამოცდილი პროფესორებისა და ლექტორების დამსახურებაა. ვფიქრობ, უნივერსიტეტში დანერგილი სწავლის ხარისხის მართვის ახალი სისტემა GAU-ელი სტუდენტების სახით კიდევ უფრო გაზრდის მაღალკვალიფიცირებული კადრების რაოდენობას არა მხოლოდ ქართულ, არამედ საერთაშორისო ბაზარზე...

პროფესორები და ლექტორები

ქეთევან ბერეკაშვილი 2012 წლიდან მუშაობს საქართველოს უზენაესი სასამართლოს სადისციპლინო პალატაში, მანამდე იყო საქართველოს კონტროლის პალატის იურისტი, საქართველოს იუსტიციის სამინისტროს სამართლებრივი უზრუნველყოფის, ნოტარიატის და რეგისტრაციის დეპარტამენტის მრჩეველი, მუშაობდა საქართველოს პარლამენტის გარემოსა და ბუნებრივი რესურსების დაცვის კომიტეტში...

ამერიკის შეერთებული შტატების ელჩის სტუმრობა GAU-ში

2 ივნისს GAU-მ საქართველოსა და ამერიკის შეერთებული შტატების დიპლომატიური ურთიერთობის 25 წლისთავისადმი მიძღვნილ მიღებას უმსაპინძლა. სტუმრებს GAU-ს პრეზიდენტი, რ. მაიკლ ქაუგილი მიესალმა. 

აშშ-ის ელჩმა საქართველოში იან კელიმ თავის გამოსვლაში აღნიშნა, რომ ქართულ-ამერიკული უნივერსიტეტი სწორედ ის ადგილია, სადაც ამ თარიღთან დაკავშირებული ღონისძიება უნდა გაიმართოს და ყურადღება ორი ქვეყნის ურთიერთობაზე გაამახვილა, რომელიც 1992 წელს დამყარდა. მას შემდეგ საქართველოსა და ამერიკას შორის ძლიერდება და ღრმავდება ღირებულებებზე დაფუძნებული სტრატეგიული პარტნიორობა და მეგობრობა. 

ამერიკის სავაჭრო პალატის ხელმძღვანელმა სარა უილიამსონმა კი ყურადღება ორი ქვეყნის ეკონომიკურ ურთიერთობებსა და პერსპექტივებზე გაამახვილა. GAU-ს საჯარო ლექციების რჩეულმა სპიკერმა, მწერალი დათო ტურაშვილმა საქართველოსა და აშშ-ს შორის ჯერ კიდევ 25 წლის წინ დაწყებული მეგობრობის მაგალითები გაიხსენა.

აშშ-ის ელჩს GAU-ს სტუდენტურმა ელჩმა ანანო ციცვიძემ მიმართა და ორი ქვეყნის ურთიერთობაზე, ქართულ-ამერიკულ უნივერსიტეტში სწავლაზე საკუთარი გადასახედიდან ისაუბრა.

ოფიციალური ნაწილის დასასრულს საქართველოსა და ამერიკის შეერთებული შტატების ეროვნული ჰიმნები GAU-ს სტუდენტმა ინგა ნაფეტვარიძემ და მოწვეულმა სტუმარმა შარლოტა ჭირაქაძემ შეასრულეს. 

შემდეგ კი გაიმართა საზეიმო მიღება კლასიკური მუსიკის თანხლებით, ცოცხალი მხატვრობის პერფორმანსი და დიპლომატთა მეუღლეების, ფრანჩესკა კელისა და ალემკა ბერლინერის დახურული შეხვედრა GAU-ს სტუდენტებთან.

დადებითი ემოციებით დატვირთული დღე სმბოლური საჩუქრების გადაცემით დასრულდა.