რეგისტრაცია

საქართველოს კანონმდებლობის შესაბამისად, GAU-ს სამართლის, სოციალური მეცნიერებების და დიპლომატიის სკოლის - სამაგისტრო პროგრამაზე ჩასაბარებლად მაგისტრანტობის კანდიდატმა უნდა გადალახოს ორი ბარიერი:

• ერთიანი სამაგისტრო გამოცდა
• ქართულ-ამერიკული უნივერსიტეტის მიერ განსაზღვრული გამოცდები: GAU-ს შიდა ტესტირება უცხო ენაში და გამოცდა-გასაუბრება სპეციალობაში

GAU-ს მიერ განსაზღვრულ გამოცდებში მონაწილეობას მიიღებს მაგისტრანტობის ის კანდიდატი, ვინც წარმატებით ჩააბარებს საერთო სამაგისტრო გამოცდას.

ჩარიცხვის მსურველთა საბუთების მიღება გრძელდება (გარდა ევროპული ინტეგრაცია და შრომითი ურთიერთობებისა) 2018 წლის 22 სექტემბრამდე. სოციალური მეცნიერებების და დიპლომატიის სკოლის დეკანატში (პირველი სართული, ქართულ-ამერიკული უნივერსიტეტი, მისამართი: მერაბ ალექსიძის 10) ყოველდღე, შაბათ-კვირის გარდა, 11:00-დან 18:00 საათის ჩათვლით.

GAU-ში ჩასაბარებელი საბუთების ჩამონათვალი:

• განცხადება პრეზიდენტის სახელზე სამაგისტრო პროგრამის მითითებით(შაბლონი);
• 2 ფოტოსურათი, 3x4 (ელექტრონული ვერსია CD-ზე);
• პირადობის დამადასტურებელი მოწმობის დედანი და ასლი;
• ბაკალავრის ან მასთან გათანაბრებული აკადემიური ხარისხის დამადასტურებელი დიპლომისა და დანართის ნოტარიულად დამოწმებული ასლი (2015 წლის კურსდამთავრებულთათვის ცნობა ხარისხის მინიჭების შესახებ);
• სამხედრო აღრიცხვაზე ყოფნის დამადასტურებელი დოკუმენტი და მისი ასლი, ან სამხედრო ბილეთი და მისი ასლი (ვაჟებისათვის);
• მაგისტრანტობის კანდიდატის მიერ საერთო სამაგისტრო გამოცდებზე მიღებული შეფასებები (ამონაბეჭდი გამოცდების ეროვნული ცენტრის ვებგვერდიდან - www.naec.ge);
• უცხო ენის ცოდნის დამადასტურებელი სერტიფიკატი (ასეთის არსებობის შემთხვევაში);
• უცხო ქვეყანაში მიღებული განათლების აღიარების დამადასტურებელი დოკუმენტი (ასეთის არსებობის შემთხვევაში);
• თი-ბი-სი ბანკის რომელიმე ფილიალში GAU-ს ანგარიშზე 50 ლარის ჩარიცხვის ქვითარი; 
• GAU-ს რეკვიზიტები

ინფორმაცია GAU-ს მიერ განსაზღვრული გამოცდების, მისაღებ სტუდენტთა რაოდენობისა და ჩასაბარებელი საბუთების შესახებ გამოქვეყნდება საერთო სამაგისტრო გამოცდების შედეგების გამოქვეყნების შემდგომ.